Sorgina Zikina (kalabazaz egina)

Estiloa: Pumpkin Beer (kalabazaz garagardoa)

Ez da gauza berri bat ezta gure asmakisuna ere, Estatu Batuetarrak sortu baino lehen dauka jatorria. Kolonoek lehenengo urteetan ez zeukan maltarik, eta hartzidura egiteko beste osagaiak erabiltzen zituzten garagardoa egiteko, adibidez kalabaza. Gaur egunean denboraldiko produktu bezala mantentzen da, eta oso famatua da.

Interneten dauden hainbat errezeta, guk batzuk irrakurri ondoren, ideiak hartu genituen gurea egiteko. Auzokide baten ortutik hartu genuen 2,5 kg kalabaza, aurten guk jarri ez dugu eta (baina datorren urtean kalabaza gure ortukoak izango dira). Gehiena mazerazioan erabiltzea erabaki genuen , maltarekin batera, eta beste 0,5 kg egozketaren azken 5 minututan zaporea emateko. Beraz garagardoa egiten hasi baino lehen kalabaza moduko pastela bat prestatu genuen: 2 kg kalabaza eta 400 gr azukre labean 170ºtan ordu bat. Beste 0,5 kg ia bukaeran Butroi Basati lupuluarekin.

Mazerarioa egiteko lapikoan 7,7 malta pils eta egindako “pastela” zatitan sartu genituen. Malta Laugar ekoizleak Gordexolan daukan fabrikan erosi genuen aurreko egunean. Nafarroako Intermalta enpresako Pils malta erabili genuen, besterik ez, gure garagardoari, kalabazak emateko kolorea eta beste zaporeak. Gero, lupulizazioan, 60 gr Smardgard Eco (5,9 AA) lupulua erabili genituen mingotasuna emateko, egozketan 60 minututan, eta azken 5 minututan Butroi Basatia, Butroi inguruan irailean aurkitu genuena. Gure errezetan beste batzuetan baino pixka bat gehiago gehituko dugu, lupuluak ematen dion mingotasuna gustatzen zaigu eta. Egozketaren azken 5 minututan 50 gr Butroi Basati lupulua gehitu genituen.

Bukatzean “garagardoa” ia 100ºtan dago eta ur hotza serpentinetik pasatzean, 25 minututan 20-25ºtan izango da. Hotaz, hartzidura egiteko ontzira pasatzeko prest dago eta legamiek lan egiteko. Legamiek lan egiten dute, hau da azukrea alkohola eta gas karboniko bihurtzen, 16-24ºarteko tenperatura, beraz gure garagardoari tenperatura lehenbailehen jaitsiko diogu horretara legamiak gehitzeko. Legamiak birpiztu behar ditugu, hau da, ura irakiten dugu eta hozten uzten dugu, 30ºtan (edo gutxiago) izan behar delako legamiak gehitzeko alde batean. Utziko dugu 15-20 minututan legamia “esnatzeko” (ikusiko duzue handitzen direla eta “baileis” bitsaekin ematen dutela). Garagardoa 20ºtan (gutxi gorabehera) eta legamiak birpiztuta daudenean, hartzidura ontzian sartuko dugu elkarrekin.

Hartzidura egin ondoren (3-5 egun), ontziz aldatuko dugu legamiaren hondarrak kentzeko eta garagardoak botiletan gas karbonikoa sortzeko (azukre pixka bat gehituz): garagardoa botilaratzeko prestatzen dugu. Hemen, 21 garagardo litro lortu ditugula ikusten dugu.

Gas karbonikoa sortzeko, botilaz botila eta xiringa batekin gehituko diogu ura azukrearekin (ura berriro irakita). Era onena, ontzi berean garagardo garbia (legamirik gabe) eta azukrea nahastea da, baina guk, etxeko ontzi-garbigailutik botilak pasatu ondoren, ura esterilizazio produktuarekin bete genituen, eta esterilizatuta egonda, garagardoa hartzidura ontzira pasatu genuen (legami hondarrak bereizteko). Horrexegatik, azukrea botilaz botila gehitu behar genuen. Erabiltzen dugun neurria 6 eta 6,4 azukre gr/garagardo lit tartea da, 100 ml ur irakita 200 ml bolumena sortzen da. 63 botila ditugunez (0,33clko botilak 21 garagardo litrotarako), botila bakoitzean 3 ml utziko ditugu xiringaz. Botilaren barruan, tapoia jarritaz, geratzen diren legamiek eman diguten azukrea jango dute eta gas karbonikoa sortzean gure garagardo karbonatatu egingo da.

DI 1062

DF 1012

alkohola: DI-DF/7,45 == 1062-1012/7,45 = 6,7º